Уг сургалтад Улаангом суманд үйл ажиллагаа явуулдаг зочид буудлуудын удирдлага, менежер, ажилтнууд оролцлоо.

Сургалтын үеэр “Зочид буудалд тавигдах ерөнхий шаардлага”, “Үйлчилгээний ажилтнуудын ёс зүйн нийтлэг дүрэм”, “Зочид буудалд байрлахад мөрдөх нийтлэг журам”-ыг тус тус танилцуулж, зочид буудлын үйлчилгээтэй холбоотой гарын авлага, тараах материалуудыг олголоо.

Сургалтад оролцогчид салбартаа тулгамдаж буй асуудлаар үзэл бодлоо хуваалцаж, цаашид Улаангом сумын ИТХ болон ЗДТГ-тай төр, хувийн хэвшлийн түншлэлийг бэхжүүлж хамтран ажиллахаар боллоо.

Тухайлбал, ажилтнууд болон удирдлагуудад зориулсан багц сургалтууд, хууль, дүрэм журам сурталчлах сургалт, туршлага судлах аялал, гэмт хэргээс урьдчилан сэргийлэх ажил, анхан шатны тусламж үзүүлэх сургалт зэрэг арга хэмжээнүүдийг үе шаттайгаар хамтран зохион байгуулахаар боллоо.