Билгийн тооллын XVII жарны "Хилэнт эх" хэмээх модон ЛУУ жилийн сар шинийн босгон дээр буянт мал сүргийнхээ ашиг шимийг нэмэгдүүлж, ажил үйлсээрээ нутгийн зон олноо манлайлан "МОНГОЛ УЛСЫН АВАРГА МАЛЧИН" хэмээх эрхэм хүндтэй цол хүртсэн Увс аймгийн Улаангом сумын 8-р багийн малчин Ж.Батаа, гэргий Т.Цогзолмаа нарт Монгол Улсын Их Хурлын гишүүн, Эрчим хүчний сайд Баттогтохын ЧОЙЖИЛСҮРЭН болон аймаг, сумын удирдлагууд шагналыг нь гардуулж өглөө.

XVII жарны "Хилэнт эх" хэмээх модон луу жилдээ элгээрээ энх амгалан төрлөөрөө төвшин амгалан байж, малын хишиг буян улам арвижин дэлгэрч, сар шинэдээ сайхан шинэлэхийн өлзийтэй сайхан ерөөлийг өргөн дэвшүүлье.