Улаангом сумын нутаг дэвсгэрт их хэмжээний цас орсны улмаас малчдын зам боогдож малчдад өс тэжээл хүргэх ажлыг зохион байгуулах шийдвэрийг Улаангом сумын онцгой комисс хуралдаж шийдвэр гаргасан.

Энэхүү шийдвэрийн хүрээнд Улаангом сумын 2 дугаар баг руу 2024 оны 02-р сарын 21 өдөр Улаангом сумын ИТХ-ын дарга Н.Ганцогтоор ахлуулсан 6 хүний бүрэлдэхүүнтэй ажлын хэсэг 2 техник хэрэгсэлтэйгээр Улаангом сумаас Чигээчин 250 км газар зам гаргаж Чигээчин хүртэлх 40 айл өрхөд 96 шуудай тэжээл, 65 боодол пресс өвс, 35 ширхэг нэн шаардлагатай эмийн багцыг тус тус хүргэж зам гаргаж ажиллалаа.