Хараагүйчүүдийн хонхот бөмбөгийн улсын аварга шалгаруулах тэмцээнд баг тамирчдаа дэмжиж цэвэр ус хүлээлгэн өгч амжилт хүслээ. Нийт баг тамирчдадаа спортын өндөр амжилт хүсье.

Улаангом сумын 1, 3, 6, 7 , 10, 11-р БИНХ-ын дарга нар Хараагүйчүүдийн хонхот бөмбөгийн улсын аварга шалгаруулах тэмцээнд баг тамирчдаа дэмжиж цэвэр ус хүлээлгэн өгч амжилт хүслээ. Нийт баг тамирчдадаа спортын өндөр амжилт хүсье.

Улаангом сумын 12- р багийн иргэд та бүхнийг 2023 оны 6 сарын 30-ны өдрийн 17-н цагт багийн төвийн хурлын зааланд болох ИНХ-даа хүрэлцэн ирэхийг урьж байна. Энэхүү хурлаар шинэ багийн дарга сонгох тул иргэн бүр өрх бүр нэг нэгэндээ хэл хүргэж идэвхтэй оролцохыг уриалж байна.

Улаангом сумын 12- р багийн иргэд та бүхнийг 2023 оны 6 сарын 30-ны өдрийн 17-н цагт багийн төвийн хурлын зааланд болох ИНХ-даа хүрэлцэн ирэхийг урьж байна. Энэхүү хурлаар шинэ багийн дарга сонгох тул иргэн бүр өрх бүр нэг нэгэндээ хэл хүргэж идэвхитэй оролцохыг уриалж байна.

Улаангом сумын 10-р багийн Иргэдийн Нийтийн Хурал хуралдаж 2 асуудал хэлэлцэж баталлаа

Улаангом сумын ИТХ, ЗДТГ-аас гаргасан ХАШААНДАА МОД ТАРЬЯ аянд нэгдэж сургуулийн эргэн тойронд “Ногоон төгөл” байгуулах зорилгоор 1-р анги, 12-р анги төгсөгчид 11 гацуур модыг нэмж сургуулийн хашаандаа шинээр суулгалаа. ✅Мөн 10-11р ангийн сурагчид нийлэн гоёлын 180 суулгац, үхрийн нүдний суулгац 50ш худалдан авч тарьж суулгасан байна. ✅Салхинаас хамгаалах зорилгоор “Тээлийн нүцгэн ширэг” 50ш бургас, 50ш улиасыг сургуулийн эмч К.Алимаа тарьж суулгасан ба жимсний мод чацаргана 100ш, үхрийн нүд 100 ш мөн тарьж суулгаад байна. ✅Ш.Бат-Очир багш Буянт хороололд хашаандаа бургас 20ш, улиас 10ш, чацаргана 10ш, үхрийн нүд 400ш, алим чавга интоор монос 15 ш тарьж ургуулж байна. ✅Р.Одгэрэл багштай 11А анги Шинэс-150ш суулгац , Хуш-25ш үрсэлгээ, Алим-6, Монос-5ш, Үрэл-10ш, Долоогоно-11ш, Интоор-50ш, Чавганы мод-1ш тарьж суулгасан байна. ✅Б.Мөнгөнцэцэг багштай 7А анги Улиас 500ш, Бургас 2000ш үрсэлгээ тарьж ургуулж байна. Мөн гоёлын мод 100ш, 500ш чацаргана, үхрийн нүд 30ш ✅Сургуулийн хэмжээнд нийт багш, ажилчид эцэг эх сурагчдын хамтаар 3066ш гоёлын мод, 1288ш жимсний модыг тарьж ургуулсан байна.

"Хашаандаа мод тарья" аяны хүрээнд Ерөнхий боловсролын 6-р сургуулийн багш, ажилтнууд сургуулийн хашаандаа Монос- 30ш, Гүйлс- 30 ш, Голт бор- 30 ш, Агч- 30 ширхэг нийт 4 төрлийн гоёлын 120 ширхэг мод тарьсан. Тус сургуулийн 6-12-р ангийн сурагчид өөрсдийн хашаандаа Бургас- 185 ш, Улайс- 27 ш, Хайлаас- 115 ш нийт 327 мод тарьсан байна. Хашаандаа мод тарья аяныг дэмжин ажиллаж, амьдарч буй орчиндоо мод тарьсан ЕБ-ын 6-р сургуулийн сурагчид, багш ажилтнууд та бүхэнд талархал илэрхийлье. Улаангом-Ногоонгом

Монгол улсын Ерөнхийлөгчийн зарлигаар сумын хэмжээнд Алдарт эх 1-р одонгоор 10 ээж, 2-р одонгоор 114 ээж, нийт 124 ээж шагнагдлаа. Тус арга хэмжээнд Увс аймгийн иргэдийн Төлөөлөгчдийн Хурлын дарга Ц.Батболд, Засаг дарга Ч.Чимэд, Засаг даргын орлогч Ж.Александр, ЗДТГ-н дарга Г.Болор-эрдэнэ Улаангом сумын ИТХ-ын дарга Н. Ганцогт, Засаг дарга Ц. Гантөмөр нар ёслол төгөлдөр гардуулан өгч баяр хүргэлээ. Бүх сайхан ээжүүд болон гэр бүлд нь аз жаргал, эрүүл энх, хамгийн сайн сайхан бүхнийг хүсэн ерөөе.

УЛААНГОМ СУМЫН ИТХ, ЗДТГ, ИТХ-ЫН ТӨЛӨӨЛӨГЧДИЙН НЭРЭМЖИТ ЦЭЦЭРЛЭГИЙН НАСНЫ БОЛОН ӨСВӨРИЙН БӨХИЙН БАРИЛДААН АМЖИЛТТАЙ БОЛЖ ӨНДӨРЛӨЛӨӨ. Нийт оролцсон бөхчүүд, болон эцэг эхчүүддээ талархал илэрхийлье. Зохион байгуулагч: Улаангом сумын ИТХ, ЗДТГ, Аймгийн арслан Т.Хайдавын нэрэмжит “Улаангом дэвжээ” "Олон улсын хүүхдийн эрхийг хамгаалах өдөр"-ийн мэнд дэвшүүлье!

УЛААНГОМ СУМЫН “ИТХ-ЫН ТӨЛӨӨЛӨГЧИД”-ИЙН НЭРЭМЖИТ ЦЭЦЭРЛЭГИЙН ХҮҮХДҮҮД ( 2018, 2019 ОНД ТӨРСӨН ) -ЫН ДУНД ЗОХИОН БАЙГУУЛАХ ӨСВӨРИЙН БӨХИЙН 64 ХҮҮХДИЙН БАРИЛДААН : 2023 ОНЫ 06 ДУГААР САРЫН 01-НЫ 10 ЦАГТ “ТӨВ ЦЭНГЭЛДЭХ ХҮРЭЭЛЭН”-Д БОЛНО. Зорилго: Улаангом сумын “ИТХ-ын Төлөөлөгчид”-ийн нэрэмжит цэцэрлэгийн хүүхдүүдийн (2018, 2019 онд төрсөн) өсвөрийн бөхийн 64 хүүхдийн барилдааныг зохион байгуулж, Увс нутгийн ирээдүйн бөхчүүдийн залгамж халааг бэлтгэх, үндэсний бөхийн өв, соёлыг түгээн дэлгэрүүлэх, хүүхдийг багаас нь бөхийн спортод дур сонирхолтой болгох, тэдний бие бялдрыг хөгжүүлэх, бөхийн мэх, арга техникийг эзэмшүүлэхэд гол үндсэн зорилго оршино. Хоёр. Зохион байгуулагч: Улаангом сумын ИТХ-ын Ажлын алба, Аймгийн арслан Т.Хайдавын нэрэмжит “Улаангом дэвжээ”

Монгол Улсын Ерөнхийлөгчийн 2023 оны 05 дугаар сарын 15-ны өдрийн 53 дугаар зарлигаар “Алдарт эх” нэг, хоёрдугаар зэргийн одонгоор шагнагдсан эхчүүдэд одон гардуулах ёслолын арга хэмжээ 2023 оны 06 дугаар сарын 01-ний өглөө 10.00 цагт аймгийн төв цэнгэлдэх хүрээлэн дээр зохион байгуулагдана. "Алдарт эх" нэг, хоёрдугаар зэргийн одонгийн болзол хангасан эхчүүдийг хүрэлцэн ирж одонгоо гардан авахыг урьж байна.

17.00-22.30 ЦАГИЙН ХООРОНД ХЭРЭГЛЭЭНИЙ ХАЛУУН УСААР ХАНГАХААР БОЛЛОО. Хэрэглээний халуун усыг 05-р сарын 29-өөс 07-р сарын 20 хүртэл 17 цагаас 22.30 хооронд өгөхөөр Улаангом сумаас Дулааны 2-р станцтай ярилцаж тохирлоо. Сумын орлогоос 120 орчим сая төгрөгийг татааст өгнө. Иргэд маань хэрэглэсэн төлбөрөө цагтаа төлж байгаарай. Эрдэнэбаатар Баатарсан захиралтай Дулааны 2-р станц ТӨХК-ийн хамт олонд талархсанаа илэрхийлье.

Үндэсний бөхийн спортоор хичээллэх дур сонирхол төрүүлэх, ур чадварыг нь дээшлүүлэх, бөхийн өв уламжлалыг өвлүүлэн хөгжүүлэх зорилготой зохион байгуулагдсан тус бөхийн барилдаанд 14,15 насны өсвөрийн 60 гаруй бөх оролцлоо. Рашаан зам дэлгүүр, сумын хурлын төлөөлөгч Б.Цэвээнгэрэл нар тус бөхийн барилдааныг ивээн тэтгэлээ. Монгол бөхийн босоо цагаан хийморь мөнхөд ивээх болтугай.

Улаангом сумын ОНХС-ын хөрөнгөөр иргэдийн эрүүл мэндийг хамгаалах /Улаангом сум СӨБ/ ажлын 3200 ш витамины багцыг Улаангом сумын 1-13 дугаар цэцэрлэгийн хүүхэд багачуудын дархлааг дэмжих зорилгоор цэцэрлэгийн эрхлэгч, эмч нарт хүлээлгэн өглөө.

МОНГОЛЫН ТӨР, НИЙГЭМ, ЦЭРГИЙН НЭРТ ЗҮТГЭЛТЭН, МОНГОЛ УЛСЫН БААТАР, ХӨДӨЛМӨРИЙН БААТАР, МАРШАЛ ЮМЖААГИЙН ЦЭДЭНБАЛ АГСНЫ ГЭР МУЗЕЙ БАЙГУУЛАХ ХАНДИВЫН АЯНД НЭГДЭХИЙГ УРИАЛЖ БАЙНА. “Буурал дарга бидний бахархал” ТББ нь Монголын төр, нийгэм, цэргийн нэрт зүтгэлтэн, Монгол улсын баатар, Хөдөлмөрийн баатар, Маршал Юмжаагийн Цэдэнбал агсны 40 гаруй жил амьдарч байсан байранд гэр музей байгуулахаар зориг шулуудаад байгаа түүний хүү Цэдэнбалын Зоригтод туслах хандивын аяныг эхлүүлээд байна. Монгол улсын Хөдөлмөрийн баатар, Маршал Ю.Цэдэнбалын гэр музейг байгуулснаар Монгол төрийг 44 жил удирдахдаа хийж бүтээсэн бүхнийг нь үнэн зөвөөр харуулсан, гадаад, дотоодын зочид төлөөлөгчдийн үзэж сонирхох, түүхэн дурсгалт газар болно гэдэгт итгэж байна. Иймд та бүхнийг бидэнд тусалж энэхүү аянд нэгдэхийг уриалж байна. Санаачлагч: Увс аймгийн Давст сумын ИТХ, ЗДТГ, “Буурал дарга бидний бахархал” ТББ Утас: 99455615, 94491500, 99452902 Хандивын данс: 5803151906 “Буурал дарга бидний бахархал” ТББ

Малын гоц халдварт шүлхий өвчнөөс урьдчилан сэргийлэх хаврын дархлаажуулалтын ажил сумын хэмжээнд 71 хувийн явцтай байна. Одоогийн байдлаар 25,261 толгой үхрийг дархлаажуулалтад хамруулаад байна. Нийт малчид, мал бүхий иргэд тус дархлаажуулалтад үхэр сүргээ бүрэн хамруулж, Мал амьтны эрүүл мэндийг хамгаалах тухай хуульд заасан үүргээ биелүүлж, хамтран ажиллахыг хүсье.

Улаангом сумын “Өрхийн эмнэлгийн тусламж үйлчилгээний хүртээмжийн байдлыг иргэдийн оролцоотой үнэлсэн судалгаа”-ны дүн, Улаангом сумын ИНХ,Багийн засаг дарга, ЭМГ болон өрхийн эмч мэргэжилтнүүдтэй хийсэн “ ӨЭМТ-дийн тулгамдсан асуудал, шийдэл -бүлгийн ярилцлагын танилцуулгыг тус тус хийж,судалгаа ба үнэлгээний үр дүнд суурилсан шийдэл,хамтын ажиллагааны талаар хэлэлцэж, зөвшилцөх зорилгоор уг уулзалтыг Сайнтус төв ТББ-аас зохион байгууллаа. Тус ярилцлагад Улаангом сумын ИТХ-ын дарга Н.Ганцогт, ИТХ-ын нарийн бичгийн дарга Э.Бат-оршин, ажилтан С.Төрмөнх , сумын Засаг дарга Ц.Гантөмөр, орлогч дарга И.Оюунбилэг,Тамгын газрын дарга Д.Ганхуяг, төрийн сангийн мэргэжилтэн С.Бадамсан,мэргэжилтэн Д.Ирээдүй болон Сайнтус төвийн төлөөлөл Д.Дулмаа, Р.Сарантуяа нар оролцлоо. Тус уулзалт ярилцлагаар МАСАМ-2 төслийн ИНБ-ын “ Оролцоот бодлого” арга хэрэгсэл хэрэгжүүлэх санаачилгын хүрээнд Улаангом суманд санамсаргүй түүврийн аргаар хийгдсэн “ӨЭМТ-ийн тусламж үйлчилгээний хүртээмжийг иргэдийн оролцоотой үнэлэх нь “ судалгааны үр дүн болон ӨЭМТ-дийн тусламж үйлчилгээний хүртээмжийн тулгамдсан асуудал, шийдэл -бүлгийн ярилцлагын үр дүнтэй оролцогчид танилцлаа. Түүнчлэн Сайнтус төвөөс Увсын өнгө сонинд хэвлэгдсэн “ Иргэдийн төсөв” мэдээлэл,ЭМАШТҮ-ний ил тод байдал , үйлчлүүлэгчийн сэтгэл ханамж гарын авлага,”МАСАМ-2” төслийн мэдээлэл бүхий дэвтэр олгож,тайлбарлаж мэдээлэл өгснөөр иргэдэд “ Иргэдийн төсвийг сумынхаа түвшинд хийж,мэдээлэх,өрхийн эмнэлгийн ил тод байдлыг цахимаас авах,санал, сэтгэгдлээ илэрхийлэх боломжтой танилцлаа. Ярилцлагын явцад Улаангом сумын иргэдэд эрүүл мэндийн анхан шатны тусламж үйлчилгээг хүргэж буй ӨЭМТ-үүдийн хамтын ажиллагаа сүүлийн жилүүдэд холдсон,тусламж үйлчилгээний үр дүн,үйл ажиллагааны менежментийн талаар мэдээлэл солилцоо муутай байгаа, цаашид харилцан ойлголцох,хамтран ажиллах зүйлс нилээдгүй байгаа, бид өмнөх жилүүдэд тодорхой санхүүжилтаар дэмжиж байсан,бусад дэмжлэгч үзүүлж байсан ... талаарх мэдээллийг сумын хурлын даргаН.Ганцогт ,засаг дарга Ц.Гантөмөр нар ярилаа. Өрхийн эмнэлгүүд нь гэрээгээр, төрийн үйлчилгээг иргэдэд хүргэж байгаа хувийн байгууллага- энэ хүрээнд холбогдох хууль, тогтоол, тушаал... эрхзүйн актын хүрээнд мэргэжил аргазүйн дэмжлэг өгч ажилладаг мэргэжлийн байгууллага ,гурвалсан гэрээний нэг тал болох ЭМГ,гэрээний нөгөө тал Аймгийн засаг даргын хүрээнд онцгой анхааран асуудлыг шийдэж байна. Бид та бүхний танилцуулсан иргэдийн саналд үндэслэн асуудлыг шийдэхэд дэмжлэг үзүүлэхээр ажиллаж байгаа ч өрхийн эмнэлгийн удирдлагууд бидний дэмжлэгийг мэдрэх,иргэдэд тайлагнах нь муу байна, тэгээд ч ОНХС-ийн дэмжлэгээр хувийн хэвшил, ТББ-ыг дэмжих боломжгүй байгаа/ заалтыг уншив /-ыг дурьдаж,... ӨЭМТ-дийн менежменттэй танилцаж,мэдээлэл аваад ,дараа нь шийдлээ ярилцая... саналыг сумын засаг дарга Ц. Гантөмөр зохион байгуулагчид хандан тавилаа. Сумын орлогч дарга И.Оюунбилэг- хэдийгээр бид одоогоор тусгайлсан төсөв тавиагүй ч ӨЭМТ-үүд иргэдийн саналаа цуглуулаад,багийнхаа хурлаар хэлэлцүүлж,асуудлаа тавих нь нээлттэй байгаа. Энэ талаар нэн чухал,сумын түвшинд шийдэх асуудлыг ярилцаад төсвийн тодотголоор ч шийдэж болно... ТББ-ын зүгээс бид сүүлийн 2 жил хамтран олон ажлууд хийсэн,асуудл шийдсэн хэдий ч иргэд саналаа өгсөөр байхад шийдэгдээгүйн шалтгаан бас чухал юм. Өмнөх оны иргэдийн нийтийн хурлаар эрэмбэлэгдсэн иргэдийн саналууд яагаад дэмжигдээгүй талаар бидэнд албан тоотоо, иргэдэд бас мэдээлэл өгөх,дараагийн шийдвэр гаргагчдын нүүр тулсан уулзалтанд хүрэлцэн ирж,шийдлээ танилцуулахыг хүслээ.

Малын сэг, зэмийг ил задгай зориулалтын бус газар хаясны улмаас орчны бохирдол үүсэх, халдварт өвчин гарах өндөр эрсдэлийг үүсгэдэг тул малчид малын сэг, зэмийг төвлөрсөн хогийн цэгт хаяж, ариутгал халдваргүйтгэл хийхийг анхааруулж байна. Зориулалтын бус газарт малын сэг, зэм хаясан иргэнийг Зөрчлийн тухай хуулиар торгох, ачиж тээвэрлэн хогийн цэгт хүргэхэд гарсан зардлыг төлүүлэх ба ил задгай зориулалтын бус газар малын сэг, зэмийг хаясан талаарх мэдээллийг тухайн багийн Засаг даргад өгнө үү. 1-р баг Д. Ганзориг 95401200 2-р баг Т.Эрхэмбаяр 99867403 3-р баг Н. Оюунбилэг 99455519 4-р баг Д. Уртнасан 99244504 5-р баг Ц. Будгэрэл 99674404 6-р баг Т.Батзаяа 99712371 7-р баг Б. Туяа 99458412 8-р баг Д.Энхжаргал 99254519 9-р баг Э.Галсайхан 99450666 10-р баг Ц.Өнөрсайхан 95113834 11-р баг Ч. Баярдаваа 99206100 12-р баг Э.Сарантуяа 99483909

Цаашид иргэд ухамсартай байж малынхаа сэг зэмийг ил задгай хаяж орчныг бохирдуулахгүй хогийн цэгт аваачин хаяж, устгаж байхыг анхаарна уу. Сэг зэмийг хогийн цэгт хүргэлгүй ил задгай хаяж байгаа иргэдэд анхааруулж, таны шаардлагыг хүлээн авахгүй бол баримтжуулан тэр талаарх мэдээллийг Улаангом сумын ЗДТГ-т мэдэгдэхийг хүсье.

Улаангом сумын ГХУСАЗСЗ, Увс аймгийн улаан загалмайн хороо хамтран Улаангом сумын 12-р ангийн сурагчдад анхны тусламж үзүүлэх сургалт зохион байгуулж байна. 2023 оны 4-р сарын 27-ны өдөр Улаангом сумын 3 болон 5-р сургуулийн 12-р ангийн сурагчдад анхны тусламжийн сургалтыг зохион байгууллаа