Улаангом сумын 2-р багийн нутаг дэвсгэрт үйл ажиллагаа явуулж байгаа Түгээмэл тархацтай ашигт малтмалын хайрга, шороон ордны лицензтэй “Энержи эмпайр” ХХК, Чандмань уулын хишиг ХХК, Нэтэнт ХХК-ууд 2022 оны байгаль хамгаалах төлөвлөгөөнд тусгаснаар 🔰Петровис ХХК-ийн төв агуулахын замын эсрэг талд хууль бусаар хайрга олборлосон, эвдэгдэж хөндөгдсөн 2,2 га 🔰Хуучин тоосгон заводын дээд талд тоосго цохиж эвдэгдсэн 0,8 га газруудыг нийгмийн хариуцлагынхаа хүрээнд өөрсдийн техник хэрэгсэл, хүн хүч, шатахууны зардлаа гаргаж техникийн нөхөн сэргээлт хийн сумын ЗДТГ-ын байгаль орчны тасагт хүлээлгэж өглөө. Эдгээр компаниудад талархлаа илэрхийлж, ажлын амжилт хүсье.

Монгол Улсын Засгийн газрын 2022 оны 07 сарын 20-ны өдрийн “Хөдөө аж ахуйн салбарын 2022-2023 оны өвөлжилт, хаваржилтын бэлтгэх хангах зарим арга хэмжээний тухай” 227 дугаар тогтоол Увс аймгийн Засаг даргын 2022 оны 08 сарын 22 ны өдрийн 04 дугаар албан даалгаврын хүрээнд Улаангом сумын Засаг даргын тамгын газар нь сумын аюулгүйн нөөцөд 50 тн өвс, 30 тн тэжээлийг тус тус бэлтгэн нөөцийн салбарууддаа хүргүүлэн ажилласан. 2022 онд малчид өөрсдийн хүчээр 3850 тн байгалийн хадлан, 120 тн гар тэжээл, 80 тн хужир шүүг тус тус бэлтгэсэн байна.

НОГООНГОМ аяны хүрээнд Улаангом сумын ЗДТГ-ын 35 албан хаагч Увс аймгийн БОАЖГ-ын ногоон төгөл талбайд 70 ширхэг мод тарилаа. Улаангом сумын айл өрх, ААН, албан байгууллагуудыг мод тарих энэхүү аянд нэгдэхийг УРИАЛЖ байна.

🇺🇸АНУ 🇷🇺ОХУ 🇨🇳БНХАУ-ын ЗГ тэтгэлэгт хөтөлбөр болон 🇲🇳МУ-ын ЗГ-аас олгодог сургалтын төлбөрийн зээл хөнгөлөлтөд хэрхэн хамрагдах талаар танилцуулга мэдээлэл хийгдэнэ. Хуваарь: ✅2022.10.10-ны 13:00-15:00 цагт Цогцолбор 1-р сургууль ✅2022.10.11-ны 13:00-15:00 цагт Цогцолбор 2-р сургууль ✅2022.10.12-ны 13:00-15:00 цагт ЕБ-ын 3-р сургууль ✅2022.10.13-ны 13:00-15:00 цагт ЕБ-ын 4-р сургууль ✅2022.10.14-ны 13:00-15:00 цагт ЕБ-ын 5-р сургууль ✅2022.10.17-ны 13:00-15:00 цагт ЕБ-ын 6-р сургууль ✅2022.10.18-ны 13:00-15:00 цагт "Эрдмийн эхлэл" сургууль

Боловсролын салбар үүсэж хөгжсөний 101 жил, Монголын багш нарын 56 дахь өдрийн баяраар Улаангом сумын удирдлагууд салбартаа манлайлан ажилласан багш ажилтан албан хаагчдыг сумын шагналаар шагнаж урамшууллаа. Та бүхний цаашдын ажил хөдөлмөрт өндөр амжилт хүсэн ерөөе.👏👏👏

1. Хүчирхийлэлгүй гэр бүл хүний эрхийг дээдлэх нь нэгдсэн арга хэмжээний тухай удирдамж хэлэлцэх ГХУСАЗСЗ-ийн дарга Н.Ганцогт 2. Улаангом сумын нутаг дэвсгэрт ашиглагдаж байгаа хяналтын камерын өнөөгийн нөхцөл байдал Аймгийн Цагдаагийн газрын холбоо мэдээллийн ахлах инженер цагдаагийн хошууч О.Лхагвасүрэн 3. ГХУСАЗСЗ-ийн 2022 оны төлөвлөгөөний биелэлтийн явцын талаар ГХУСАЗСЗ-ийн нарийн бичгийн дарга Д.Нансалжав 4. ГХУСАЗСЗ-ийн 2022 оны төсвийн хуваарьт өөрчлөлт оруулах тухай ГХУСАЗСЗ-ийн нарийн бичгийн дарга Д.Нансалжав 5. Улаангом сумын хамтарсан багийн 2022 оны ажлын төлөвлөгөөний мэдээллэл ГХУСАЗСЗ-ийн гишүүн Б.Нарангэрэл

Бидний ирээдүй болсон үр хойчид боловсрол олгох үйл хэрэгт эрдэм мэдлэг, авьяас чадвар, ур ухаан, бүхий л амьдралаа харамгүй зориулсан ахмадууд, бие сэтгэл, эрдэм оюунаа зориулан хүчин зүтгэж яваа эрдэмтэн, багш нар, боловсролын салбарын ажилтан, албан хаагчид Та бүхэндээ Монголын багш нарын баярын өдрийн мэнд дэвшүүлье

Хөдөлмөр бүтээлээрээ улсдаа үр бүтээлтэй ажиллаж байсан Улаангом сумын 7-р багийн өндөр настан Баатрын Хужинз-д Монгол Улсын Ерөнхийлөгчийн зарлигаар АРДЫН ХУВЬСГАЛЫН 100 ЖИЛИЙН ОЙН ХҮНДЭТ МЕДАЛЬ гардууллаа. Танд урт насалж , удаан жаргахын өлзий билигтэй ерөөлийг өөд өөд нь өргөн дэвшүүлье.👏👏👏

МОN-Х инновацийн хөтөлбөрийн зорилго: ● БШУЯ-наас Монгол улсад инновацийн соёлыг идэвхижүүлэх, ● Бүс, нийслэл, орон нутагт тулгамдаж буй асуудлуудыг тодорхойлох, ● Тэдгээрийг иргэдийн оролцоотойгоор инноваци ашиглан шийдвэрлэх санаачилгуудыг дэмжих хөтөлбөр Энэ уулзалтад бүс, орон нутагт тулгамдаж буй асуудлыг инновац ашиглаж шийдвэрлэх хүсэлтэй Mon-X инновацийн хөтөлбөрт оролцохыг хүссэн, Инноваци гэж юу вэ? Санаагаа хэрхэн олох? Шийдэл хэрхэн боловсруулах талаар аргачлал сонирхсон хүн бүхэнд нээлттэй.

Уг цэнгүүнд ахмадууд маань өргөн дэлгэр оролцлоо. Нийт ахмадууддаа удахгүй болох ахмадын баярын мэндийг хүргэе.👏👏👏

Нутаг дэвсгэрийн хэмжээнд Хог хаягдлын тухай хуулийн хэрэгжилтэд хяналт тавьж, сумын ард иргэдийн эрүүл, аюулгүй орчинд ажиллаж, амьдрах таатай нөхцөлийг бүрдүүлэх, хог хаягдлын чиглэлээр гарсан хууль, тогтоомжийг сурталчлах, биелэлтийг хангуулах, хяналт тавих, зөрчил дутагдлыг арилгуулахад энэхүү журмын зорилго оршино.

Увс аймгийн Улаангом сумын ИТХ-ын 8 дахь удаагийн сонгуулийн ээлжит X хуралдаан өнөөдөр хуралдаж байна. 2022.09.23

Улаангом сумын ИТХ-ын ээлжит X хуралдаанаар хэлэлцэх асуудалтай холбогдуулан холбогдох байнгын хороод хуралдаж эхэллээ

Өнөөдөр Улаангом сумын Мал эмнэлэгийн тасгийн мэргэжилтэн болон 12 баг хариуцсан малын эмч нар багийн ИНХ-ын дарга, багийн засаг дарга, багийн нийгмийн ажилтануудтай уулзаж шүлхий өвчний талаар мэдээлэл өгч, Улаангом суманд малын шүлхий өвчний 2-р тунг хийхээр боллоо.

Үндэсний бөхийн барилдаанд: ТҮРҮҮ- Тэс сумын харьяат Улсын Начин О.Түмэн ҮЗҮҮР- Аймгийн арслан Т.Хайдавын нэрэмжит Улаангом дэвжээний бөх Аймгийн начин Г.Цоггэрэл ШӨВГИЙН 4: Түргэн сумын харьяат аймгийн арслан Б.Нямсамбуу, Тэс сумын харьяат Аймгийн заан О.Баярцогт Сумын цол олгох барилдаанд: ТҮРҮҮ- Аймгийн арслан Т.Хайдавын нэрэмжит Улаангом дэвжээний бөх сумын заан Г.Лүндээжанцан ҮЗҮҮР – Сагил сумын харьяат залуу бөх А.Мөнхбат ШӨВГИЙН 4 – Сумын заан Д.Гэгээнбилэг, Тариалан сумын заан С.Бямбацогт Өсвөрийн бөхийн барилдаанд: ТҮРҮҮ- Аймгийн арслан Т.Хайдавын нэрэмжит Улаангом дэвжээний залуу бөх Б.Гантөгөлдөр ҮЗҮҮР- Аймгийн арслан Т.Хайдавын нэрэмжит Улаангом дэвжээний залуу бөх Д.Мөнх-Отгон ШӨВГИЙН 4- Аймгийн арслан Т.Хайдавын нэрэмжит Улаангом дэвжээний залуу бөх Ц.Ууганбаяр, Ахлах 2-р сургуулийн 10б ангийн сурагч Б.Данзанравжаа

Монгол Улсын Ерөнхийлөгчийн 2012 оны 158 дугаар зарлиг, Засгийн газрын 2019 оны 05 дугаар сарын 204 дүгээр тогтоолоор батлагдсан "Түүхэн үйл явдал, ой тэмдэглэлт өдрийг тэмдэглэн өнгөрүүлэх журам"-ын 2 дугаар бүлгийн 2.31 дэх заалт, "Алсын хараа-2050" Монгол Улсын урт хугацааны хөгжлийн бодлогыг үндэслэл болгон Увс аймгийн Соёл урлагийн газар, аймгийн Төв номын сан, хамтран зохион байгуулж буй "Үндэсний бичиг соёл, номын өдрүүд -2022" арга хэмжээ 32 дахь удаагаа “Илүү их уншья” уриатайгаар 2022 оны 09 сарын 16-ны өдрөөс 18-ны өдрийг дуустал Бөхийн өргөөнд зохион байгуулагдаж байна.

Ардын хувьсгалын 100, 101 жил, Улаангом суманд суурин амьдрал үүссэний 336 жилийн ойн баярыг тохиолдуулан зохион байгуулж буй Улаангом сумын наадмын үйл ажиллагаа өнөөдөр Цэнгэлдэх хүрээлэнд үргэлжилж байна. Баяр наадмыг нээн Улаангом сумын Засаг дарга Цэдэн-Ишийн Гантөмөр, Улаангом сумын ИТХ-ын дарга Наянтайн Ганцогт нар үг хэллээ. Наадамд урилгаар ОХУ-ын Курагино Районы Засаг дарга Заспо Л.А. болон бусад зочид төлөөлөгчид оролцож байна. Наадмын хөтөлбөр ёсоор Цэнгэлдэх хүрээлэнд Үндэсний болон өсвөрийн бөхийн барилдаан, Үндэсний сурын үзүүлэх харваа болох тул иргэд та бүхнийг хүрэлцэн ирэхийг урьж байна.

Увс аймгийн Засаг даргын 2020-2024 оны "Орлогын бүтээн байгуулалт-Увс” үйл ажиллагааны хөтөлбөрийн хүрээнд орон нутгийн үйлдвэрлэл эрхлэгчдийг дэмжих, үйлдвэрлэж буй бүтээгдэхүүнийг олон нийтэд сурталчлан таниулах замаар орлогыг нэмэгдүүлэх, харилцан туршлага солилцох, худалдаа үйлчилгээний байгууллагуудтай холбоо харилцаа тогтоож хамтран ажиллаж бизнесээ өргөжүүлэх, үзэсгэлэн, экспо зохион байгуулж, орон нутгийн иргэдийг эрүүл эко хүнсээр хангах зорилготой “УВС ЭСКПО – 2022” ЧАЦАРГАНЫ БАЯР, НАМРЫН НОГООН ӨДРҮҮД АРГА хэмжээ Ө. Бадрахын талбайд нээлтээ хийлээ. Увсчууд та бүхнийг өргөнөөр үйлчлүүлэхийг урьж байна.

Улс төрийн хилс хэрэгт хэлмэгдэгсдийн дурсгалыг хүндэтгэх өдрийг тохиолдуулан аймгийн ИТХ, аймгийн Цагаатгах ажлыг удирдан зохион байгуулах салбар комисс, Улаангом сумын ИТХ-аас хамтран Улс төрийн хилс хэрэгт Хэлмэгдэгсдийн үр, хүүхэд, төрөл төрөгсдөд хүндэтгэл үзүүлж хэлмэгдэгсдийн хөшөөнд цэцэг өргөлөө. 2021 оны 12 дугаар сарын 31-ны байдлаар Монголын улсын хэмжээнд 31.460, Увс аймгийн хэмжээнд 1403 хүн цагаатгагдсан байна.

Улаангом хотноо 2022 оны 09-р сарын 15-нд зохион байгуулагдах Монгол-Оросын бизнес форум арга хэмжээнд ОХУ-ын Курагино районаас оролцох ААН, байгууллагуудын танилцуулгыг хүргэж байна. Та бүхэн эдгээр ААН-үүдтэй хамтран ажиллахыг хүсвэл бидний зохион байгуулж буй "БИЗНЕС ФОРУМ" арга хэмжээнд хүрэлцэн ирнэ үү. Бүртгэлийн талаарх мэдээллийг сумын ЗДТГ-ын 106 тоот болон 99453011 утсаар лавлана уу. Увс аймгийн Улаангом сумын ЗДТГ Улаангом сумын Иргэдийн Төлөөлөгчдийн хурал